الرئيسية
صبآح / مسآء الخير خواتي ..
اليوم يايبة لكم طريقة عمل شاي كرك بالطريقة الهندية ..
طبعاً الطريقة .. ماخذتها من كتاب .. و طبقت الطريقة ..و الحمد لله عيبت العايلة الكريمة ..
المهم المقادير كالتالي :
8 أكواب ماي ..
6 ملاعق ورق شاي ..
4 علب من حليب رينبو " أبو قوس "
شوية هال مطحون ..
4 فناجين سكر ..
الطريقة كالتالي :
1. اول شيء تييبين قدر و تحطين فيه 8 اكواب ماي .. و تحطيه عالغاز عشان يغلي ..
2. من الصوب الثاني .. تييبين قدر ثاني و تحطين فيه 4 فناجين سكر .. و تخلينه يذوب ...
هذي صورة السكر و هو بادي يذوب ..
[ندعوك للتسجيل في المنتدى أو التعريف بنفسك لمعاينة هذه الصورة]
و هذي الصورة للسكر لما ذاب ..
[ندعوك للتسجيل في المنتدى أو التعريف بنفسك لمعاينة هذا الرابط]
تحطين 6 ملاعق من ورق الشاي عالسكر .. مثل ما ملاحظين فالصورة ..
[ندعوك للتسجيل في المنتدى أو التعريف بنفسك لمعاينة هذا الرابط]
بعدين تخلطونهم مع بعض .. مثل اللي بالصورة ..
[ندعوك للتسجيل في المنتدى أو التعريف بنفسك لمعاينة هذا الرابط]
ف هالوقت الماي بيكون مغلي .. تييبون الماي و تصبونه على السكر و الورق الشاي .. بس انتبهوا انكم مبندين الغاز عالورق الشاي <<< حفاظاً على السلامة العامة .. خخخ..
و بكل حذر تصبون الماي على " الخليط " المكون من السكر و الورق الشاي .. <<< يا عيني عالتعبير .. للتأكيد .. شوفو الصورة .. ههه
[ندعوك للتسجيل في المنتدى أو التعريف بنفسك لمعاينة هذا الرابط]
و هذي الصورة لما الماي انطبخ شوي عالورق و السكر ..
[ندعوك للتسجيل في المنتدى أو التعريف بنفسك لمعاينة هذا الرابط]
.4و بعد ما يغلي الماي مع الخليط .. تحطون شوية هال .. انظري إلى الصورة ادنااه ..
[ندعوك للتسجيل في المنتدى أو التعريف بنفسك لمعاينة هذا الرابط]
.و تخلونه كم دقيقة .. و تبدوا تحطون الرينبو ..
[ندعوك للتسجيل في المنتدى أو التعريف بنفسك لمعاينة هذا الرابط]
و آآخر شيء تخلونه عالغاز شوي .. و تبندون عنه .. و تحطونه ف الدلة .. << عاد هذي ما يبيلها شي ... ههه ..
ملاحظة :- بتلاحظون الكمية وايد و الحليب 4 مرة وحدة .. لكن انا استعملت هذي المقادير للدلة اللي تكون سعتها 2 لتر ..
و هذا كوب حق أول رد ..
[ندعوك للتسجيل في المنتدى أو التعريف بنفسك لمعاينة هذا الرابط]
و السموحة منكم خواتي ..
و تقبلوا فائق الاحترام و التقدير ..
