من طرف [ M a x ] الثلاثاء نوفمبر 24, 2009 12:38 am
الجزء الثامن*2*
أبو رند ( وهو منحرج ):بنيّتي قدمي العصير وانا ابوتس..
رند( تكلم نفسها ):اووو نسيت ..
تروح تقدمه لأبوها اول شيء..وتجي قدام سلطان ،وبينها وبين رجوله نصف متر ،وتثني جسمها وتمد العصير متروعه البنت ..ماطالت يد سلطان كوب العصير،قام علشان ياخذ الكوب..[/size]
هوو بس قاام
لاشعوريا رند قالت بصوت مسموع: اوووووب ..
سلطان مستغرب ولأول مرة يرتبك، ويقول بينه وبين نفسه،لايكون بشكلي شيء غلط،يارب ان السكسوكة مضبوطه..
لالا لا والله ان الحلاق ماينعرف له ,, الله ياخذك يافايز ( لأن فايز هو اللي مختار له الحلاق )..
الزبدة ، ان الولد شك بعمره،وقال هذي شايفتن شيء فيني غللللط ..
ياخذ سلطان كوب العصير ، وتطيح قطرة على ثوبه..ويمسحها بإيده كأن ماصار شيء ..
تجلس رند في الكنبة اللي قدام كنبة سلطان ، سلطان لازال مطيَر عيونه ، وفجأة ينزلها..
لاطيَر عيونه خق ، وانا تذكر هذاك الشيء نزلها ،ولسان حاله يقول مايمديتس تكبرين شوي
خلونا نطلع شوي برى الموضوع ونتكلم عن رند ..صح أني تأخرت ماتكلمت عنها ،لكن اتوقع هذا هو الوقت المناسب ...
رند ، بنت يمكن تعرفتوا على طبيعتها من خلال المشاهد السابقة ، لكن بتكلم عن مواصفاتها الشكلية ..
قصيرة حبتين ، على قولة ام سلطان مربربه لكن ربربه على سنع ..
الشعر اسود قحَ ، الخشه دائريه ، لها خديدات ،ولاضحكت طلعت لها غمازات .. اشين شيء فيها ان خشمها كبير حبتين ..
نرجع لمحْور الحديث حقنا ..
المهم ..سلطان فصفصها فصفصة ،حتى يوم قامت ماوخَر عينه عنها لين فارقت المكان ..
بعد ماطلعت رند ..سلطان: الله يكتب اللي فيه الخير، إن شاءالله ..
أبو رند: امين يارب ، ويوفق كل من بغى يتزوج ويعينه
سلطان: اانا استأذن الحين ، اكرمك الله ياأبو رند ..
أبو رند: الله يحييَك ،وسلم لي على الوالد ..
سلطان: يبلغ ان شاءالله ، فمان الله ..
أبو رند:الله يحفظك..